السلام عليكم ورحمة الله وبركاته
موضوعى ده يمكن مايهتمش بيه الكثير
لكن على الأقل قليل منكم سوف يهتم به
كان رسول الله صل الله عليه وسلم يوصي وينصح المؤمنين بأن يتحآبوا ويتآخوا دون أن ينتظروا فائدة أو منفعة دنيوية أو مادية لقاء هذا الحب والتآخي. وكانت حياته القدوة والنموذج لما كان يوصي به حيث ضرب لهم أحسن الامثال في أفعاله وأقواله، وأوصاهم بالاستمرار وبالتمسك بها والسير عليها. يقول الله تعالى فيهم:
( "ذَلِكَ الَّذِي يُبَشِّرُ اللَّهُ عِبَادَهُ الَّذِينَ آمَنُوا وَعَمِلُوا الصَّالِحَاتِ قُلْ لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَى وَمَنْ يَقْتَرِفْ حَسَنَةً نَزِدْ لَهُ فِيهَا حُسْنًا إِنَّ اللَّهَ غَفُورٌ شَكُورٌ(23)") سورة الشورى / 23.
بالعربى كده
يعنى لما واحده مننا تعمل موضوع وتقول اختى دخلت المستشفى امبارح او بابا عيان ادعوله
او ماما.....او..او
واحنا طبعا مشكورين بندخل ندعيلهم
لكن بندخل بقى تانى يوم وللا تالت يوم ندور على اسم الفتوكه اللى كانت كاتبه الموضوع ونبعتلها رساله عشان نطمئن على اختها او اخوها او مامتها او بباها؟؟؟
طبعا فيه مننا بيعمل كده وفيه الكتييييييييييييييييييييير بيطنش
ياجماعه انتوا مش عارفين اد ايه رسالتك ليها بسؤالك عنها او عن مرضاها هايفرق معاها كتير اد ايه
لازم نكون اكتر ترابط لأننا فى الأول وفى الأخر اخوات فى الله وطبعا انتوا عارفين ايه معنى اخوات فى الله
وطبعا كلامى ده مش على المرضى بس
لكن فيه فتوكات بتبقى مخنوقه ونلاقيها كاتبه انا هموت نفسى
او انا اخدت براشيم كتير او انا رايحه للدكتور بكره
كل المواضيع دى لازم نسأل عن اصحابها لأن فعلا بيبقى فيه مننا فتوكات كتير مابيكونش ليهم اى حد يشتكيله
ويوم ماتيجى تشتكيلنا ماتلاقيش اللى يسأل عليها
اتمنى ان الموضوع يكون عجبك الكثير منكم
واتمنى اننا ننفذه بإذن الله